«Toponimia Castelanizada» Exposición permanente virtual de Luisa Dieguez Gonzalez

Estas fotos tomadas por toda a xeografía galega  son unha mostra dunha exposición máis extensa realizada anos atrás  polo Departamento de Dinamización Lingüística do IES PUGA RAMÓN, A Coruña, baixo a dirección de Luísa Diéguez. Nela trátase de denunciar o desleixo e o maltrato á toponimia galega, un legado dun valor inconmensurable pero que ao longo dos anos foi deturpado, inxustamente castelanizado ou castrapizado polas diferentes administracións e polos propios cidadáns/as. Malia a termos unha Lei de Normalización lingüística, que como lei debería ser de obrigado cumprimento, non só os cidadáns/ás, senón a mesma Administración continúa a incumprila. Moitas rotulaxes que aquí se recollen foron modificadas pero outras continúan vixentes.

Esta exposición préstase en formato físico a centros de Secundaria ou a organismos oficiais de xeito  desinteresado, poñéndose en contacto co centro e pode ir acompañada dunha charla explicativa da responsable se horario o permite.